Related Posts
Category : National
Rajsthan BJP – પ્રથમ યાદીમાં જ ભાજપના ઘણા નેતા નારાજ , શું કરશે પક્ષપલ્ટો ?
ભારતીય જનતા પાર્ટીએ રાજસ્થાન વિધાનસભાની આગામી ચૂંટણી માટે 41 ઉમેદવારોની પ્રથમ યાદી જાહેર કરતાની સાથે જ પાર્ટીના નેતાઓ અને તેમના સમર્થકોએ ઘણી જગ્યાએ બળવાખોર વલણ દાખવ્યું છે. ભાજપમાંથી ટિકિટની આશા રાખતા અનેક સંભવિત ઉમેદવારોના સમર્થકોએ પ્રથમ યાદી જાહેર થયા બાદ ખુલ્લેઆમ નારાજગી વ્યક્ત કરી છે.
પાર્ટીએ સાંસદ રાજ્યવર્ધન સિંહ રાઠોડને જોતવાડા વિધાનસભા બેઠક પરથી ઉમેદવાર બનાવ્યા છે. જેના કારણે પાર્ટી વતી આ સીટ પરથી ચૂંટણી લડી રહેલા પૂર્વ ધારાસભ્ય રાજપાલ સિંહ શેખાવતના સમર્થકો વિરોધમાં ઉતરી આવ્યા છે. શેખાવતના સમર્થકોએ જોતવારા બેઠક બચાવવા માટે ‘પેરાશૂટ’ ઉમેદવારને હટાવવાના નારા લગાવ્યા હતા.
શેખાવતે કહ્યું કે પાર્ટીના 41 ઉમેદવારોની યાદીમાંથી 10 બળવાખોર છે. કોટપુતલી બેઠક પરથી ભાજપે હંસરાજ પટેલને ટિકિટ આપી છે. 2018ની વિધાનસભા ચૂંટણીમાં હારનો સામનો કરનાર મુકેશ ગોયલના સમર્થકોએ પટેલની ઉમેદવારીનો વિરોધ કરવા પક્ષના ઝંડા સળગાવ્યા હતા.
શર્માએ કહ્યું કે, લોકોને ટિકિટ વિતરણ વ્યવસ્થાથી વિચલીત થવાની જરૂર નથી. અગાઉ પણ લોકોને જાતિ અને પૈસાના આધારે ટિકિટ મળી હતી, પરંતુ તેઓ હારી ગયા હતા. ગત વિધાનસભા ચૂંટણીમાં કિશનગઢથી ભાજપની ટિકિટ પર ચૂંટણી લડનાર વિકાસ ચૌધરીનું નામ પણ આ યાદીમાં નથી.ભાજપે અહીંથી અજમેરના સાંસદ ભગીરથ ચૌધરીને મેદાનમાં ઉતાર્યા છે.
તે જ સમયે, ભરતપુર નગર વિધાનસભા ક્ષેત્રમાંથી બે વખત ધારાસભ્ય રહી ચૂકેલા અનિતા સિંહે સંકેત આપ્યો કે પાર્ટીની ટિકિટ ન મળવા છતાં તે ચૂંટણી લડશે. સિંહે સોશિયલ મીડિયા પર એક પોસ્ટમાં લખ્યું, “ શું વિચારીને ભાજપે મને દૂર કરવમાં આવી. એક વ્યક્તિને ટિકિટ આપવામાં આવી છે જેના જામીન જપ્ત કરવામાં આવશે. સિંહ પૂર્વ મુખ્યમંત્રી વસુંધરા રાજેની છાવણીમાંથી પણ હોવાનું કહેવાય છે.
શહેર વિધાનસભા બેઠક પરથી ભાજપે જવાહર સિંહ બેદમને મેદાનમાં ઉતાર્યા છે. બેદમે કમાન બેઠક પરથી 2018ની વિધાનસભાની ચૂંટણી લડી હતી, પરંતુ તેઓ હારી ગયા હતા. ભાજપે ઉમેદવારોની પ્રથમ યાદીમાં વિદ્યાધર નગરના વર્તમાન ધારાસભ્ય નરપત સિંહ રાજવીનો પણ સમાવેશ કર્યો નથી.
નોંધનીય છે કે ભાજપે સોમવારે રાજસ્થાનમાં વિધાનસભા ચૂંટણી માટે 41 ઉમેદવારોની પ્રથમ યાદી જાહેર કરી હતી, જેમાં રાજ્યવર્ધન રાઠોડ અને બાલકનાથ સહિત સાત વર્તમાન સાંસદોના નામ પણ સામેલ છે. જેમાંથી એક રાજ્યસભામાંથી જ્યારે છ લોકસભામાંથી છે. પાર્ટીએ ગત ચૂંટણીમાં હારેલા 12 ઉમેદવારોને બીજી તક આપી છે.
Load more
